Stimulyator və ya Pacemaker – cihaz implantasiyası

Xəstə sinus sindromu nədir?

Stimulyator müxtəlif xəstəliklər səbəbindən taxıla bilir. Başgicəllənməsi, anidən bayılma, ara sıra huşun alaqaranlıqlaşması əlamətləri ürəyin elektrik sisteminin daha bir xəstəliyi sayılan xəstə-sinus sindromunda da olur. Sinus düyünü ürəyimizin impuls çıxaran ən əhəmiyyətli üzvüdür. Bəzən bu düyündə zəiflik yaranır. İmpuls yaratma qabiliyyəti pozulur və ürəkdayanmaya qədər gətirib çıxarda bilir.

Xəstəliyin müəyyən olunması prosesi

Bayılma şikayəti ilə kardioloqa gələn pasient daha sonra aritmologiya şöbəsinə yönləndirilir, xəstəyə aritmoloq baxır, ətraflı anamnez toplayır. Xəstədən xüsusi suallar soruşur- Necə yıxıldınız, hansı şəraitdə, bayılmağınızı xatırlayırsınızmı, ayıldıqda necə ayıldınız, ətrafda sizə yarıdm edən insanların səslərini eşidirdinizmi?

Stimulyator hansı halda taxılır?

Bütün bu suallara adekvat və dolğun cavab aldıqdan sonra aritmoloq xəstəyə müəyyən müayinələr təyin edir. Bu müayinələrin ən önəmlisi holter müayinəsidir. Çünki holter xəstənin həkim yanında daim olmasını tələb elətdirmir. Holter xəstəyə taxılır, xəstə evə yollanır, bir ya iki sutka sonra ürəyin elektriki vəziyyəti həkim tərəfindən dəyərləndirilir. Əgər bu müddət ərzində sinus düyününün zəifliyinə işarə varsa və xəstədə də simptom varsa demək bu aritmologiya bölümünün işidir və xəstəyə cihaz taxılmalıdır.

Stimulyator və ya Pacemaker

Aritmiya zamanı taxılan cihazın başqa adı Pacemaker və ya Stimulyator-dur. Bu tip stimulyator-lar dərinin altına yerləşdirilir, telləri ürəyin içərisinə yerildilr, təqribən 8-10 ilə yaxın ömrü olur və bu müddətdən sonra sadəcə batareyası dəyişdirlirlir. Xəstənin ömrü boyu nəbzinin normal və effektiv olmasına zəmin yaradır.

10-15 il öncə ölkəmizdə Rus istehsalı pacemakerlərdən istifadə edilirdi. Onların funksiyaları çox məhdud idi və bir çox zamanlarda xəstədə əlavə təsirlər olurdu, ayaqlarda ödemlər, nəfəs çatışmazlığı, ürək çatışmazlığına qədər gətirib çıxardırdı.

Stimulyator-ların ziyanı varmı?

Bizim mərkəzimizdə istifadə etdiyimiz cihazlar Amerikan istehsalıdır, firma cihazın normal işinə tam təminat verir, yuxarıda göstərilən fəsadların heç birisi müşahidə edilmir. Xəstə bir müddət sonra bədənində cihaz olduğunu tamamən unudur.

Çox zaman cihazla bağlı pasientlərdə müəyyən narahatlıqlar olur. Bunula bağlı həddindən çox sual gəlir. Qeyd edim ki, evdəki heç bir elektronik əşyanın cihaza zərəri dəymir, cihazın işi onlardan təsirlənmir, sadəcə havalimanlarında yoxlama sistemlərindən keçdikdə xüsusi kart göstərilir, çünki o sistemlər cihaza zərər verə bilər. Maşın sürmə məhdudiyyəti bir ay sonra yoxdur. Cihaz paslanmır, ürək və ya qan dövranı tərəfindən təsirə məruz qalmır.